عورت اپنے شوہر سے مہر کا مطالبہ کر سکتی ہے یا نہیں؟

*_◆ــــــــــــــــــــــ🌸🌻🌸ـــــــــــــــــــــــــ◆_*

*🌼السلامُ علیکم و رحمۃ اللہ وبرکاتہ🌼*

*📜سـوال_________↓↓↓*

 کیا فرماتے ہیں علمائے کرام ومفتیان عظام مسئلہ ذیل کے بارے میں کہ اگر کوئی زوجہ اپنے زوج سے مہر کا مطالبہ کرے تو کر سکتی ہے یا نہیں - نیز اگر زوج حیلہ بہانے کرے اور تشدد کرے اور مہر نہ دینا چاہتا ہو تو شرعی حکم کیا ہے , مع حوالہ جواب عنایت فرمائیں مہربانی ہوگی "

*✒️سائل.... عبدالکریم بخش امیٹھی💫* 

*_◆ــــــــــــــــــــــ🌸🌻🌸ـــــــــــــــــــــــــ◆_*

*🌼وعلیکم السلام ورحمۃ اللہ وبرکاتہ🌼*

*✅الجـــــوابـــــ: بعون الملک الوہاب👇* 

📝مہر جبکہ عندالطلب ہے کہ عورت جب طلب کرے شوہر پر لازم ہے کہ اسے ادا کرے - اور جبکہ وہ ہے بھی معجل , تو بیشک اس کے لئے عورت کو اختیار ہے کہ جب تک وصول نہ کرے رخصت نہ ہو اور اگر رخصت ہو گئ تو اب بھی اسے اختیار ہے کہ جب چاہے مطالبہ کرے اور اس کے وصول تک اپنے آپ کو شوہر سے روک لے - اگرچہ رخصت کو بیس برس گزر جائیں اور شوہر کو حلال نہیں کہ عورت کو مجبور کرے اگرچہ اس سے بیشتر , عورت کی رضا مندی سے وطی وخلوت ہو چکی , یعنی یہ حق عورت کو ہمیشہ حاصل ہے جب چاہے وصول کرے اور شوہر کو حیلہ بہانا کرنا جائز نہیں - مہر بہر حال اسے دینا ہے - زندگی میں نہ دیا تو بعد موت اس کے مال سے عورت وصول کرے گی - اور اگر عورت کا انتقال پہلے ہو جاۓ تو اس کے ورثہ اس سے وصول کریں گے - مہر بہر حال عورت کا حق ہے اسے کوئی ختم نہیں کرسکتا "

*(✅درمختار, ردالمحتار, وغیرہ 👇)* 

*(📔بحوالہ "احسن الفتاویٰ المعروف فتاویٰ خلیلیہ "جلد دوم" صفحہ نمبر "95 تا 96)*

*🍃واللہ تعالیٰ اعلم بالصواب🍃* 

*🍃المفتقر الی رحمۃ اللہ التواب🍃*

 *_◆ــــــــــــــــــــــ🌸🌻🌸ـــــــــــــــــــــــــ◆_*

*🖊از قلــــــــــم* 

*احقرالعباد محمد آفـتـاب عالم رحمتی مصباحی دہلوی صاحب قبلہ مدظلہ العالی والنورانـی خطیب وامام جامع مسجد مہاسمند(چھتیس گڑھ

 *_◆ــــــــــــــــــــــ🌸🌻🌸ـــــــــــــــــــــــــ◆_*

*🗓️مؤرخہ: ۱۶ رجب المرجب ١٤٤١؁ھ*

*_◆ــــــــــــــــــــــ🌸🌻🌸ـــــــــــــــــــــــــ◆_*

*🖥️المشتـــــہر👇*

*مـحـمّـد رضـــا بـرکاتــی(نیپـــال🇳🇵)*

*مــدرسـہ الجــامـعتہ الـرضــویـہ مــناظــر الـعــلــوم مــوجــودہ حـال کانــپور اتــرپـردیــش (یوپی)*