*_◆ــــــــــــــــــــــ🌸🌻🌸ـــــــــــــــــــــــــ◆_*
*(🧽)السلامُ علیکم و رحمۃ اللہ وبرکاتہ(🧽)*
*📜سـوال__________↓↓↓* 
کیا فرماتے ہیں علمائے کرام کہ 
کسی کے انتقال کے بعد دس دن سوگ منانا یا دس دن تک منٹپ لگا کر آلتو فالتو باتیں کرنا اس کی کیا حقیقت ہے؟ بعد انتقال ایسا کرنا جائز ہے؟
*🔖السائل.... محمد جعفر صمدانی🔖*
*_◆ــــــــــــــــــــــ🌸🌻🌸ـــــــــــــــــــــــــ◆_*
*(🧽)وعلیکم السلام ورحمۃ اللہ وبرکاتہ(🧽)*
*📝الجـــــوابـــــ: بعون الملک الوہاب👇*  
✒️تین دن سے زیادہ سوگ(رنج وغم کی حالت میں رہنا) جائز نہیں ، مگر عورت شوہر کے مرنے پر چار مہینے دس دن سوگ کرے۔
*((📘👈فتاوی رضویہ جلد 13 صفحہ نمبر 293))*
*((📓بہار شریعت جلد اول حصہ چہارم صفحہ نمبر 855))*

اور قرآن مقدس میں ہے👇
*(وَالَّذِیْنَ یُتَوَفَّوْنَ مِنْكُمْ وَ یَذَرُوْنَ اَزْوَاجًا یَّتَرَبَّصْنَ بِاَنْفُسِهِنَّ اَرْبَعَةَ اَشْهُرٍ وَّ عَشْرًاۚ.)*
ترجمہ: 
اور تم میں جو مریں اور بیبیاں چھوڑیں وہ چار مہینے دس دن اپنے آپ کو روکے رہیں۔ 

*(پارہ دوم سورہ بقرہ آیت 234  )*

میّت کے گھر والوں کو تین دن تک اس لیے بیٹھنا کہ لوگ آئیں  اور تعزیت کر جائیں جائز ہے مگر ترک بہتر اور یہ اس وقت ہے کہ فروش اور دیگر آرائش نہ کرنا ہو ورنہ ناجائز۔  

*📗(عالمگیری، ردالمحتار)  ’’الفتاوی الھندیۃ‘‘، کتاب الصلاۃ، الباب الحادی والعشرون في الجنائز، ومما یتصل بذلک مسائل، ج۱، ص۱۶۷۔))*
*((📓 و ’’ردالمحتار‘‘، کتاب الصلاۃ، مطلب في کراھۃ الضیافۃ من أھل المیت، ج۳، ص۱۷۶۔))*   

🌹امام بخاری اور امام مسلم نے ام المومنین حضرت ام حبیبہ اور ام المومنین حضرت زینب بنت حجش رضی اللہ تعالی عنھما سے روایت کی کہ حضور اقدس صلی اللہ تعالی علیہ وسلم ارشاد فرماتے ہیں کہ: 
*(لاَ يَحِلُّ لامرأة تومن بالله واليوم الآخر أن تحد على ميت فوق ثلث ليال الا على زوج أربعة أشهر وعشرا)*

*ترجمہ*👈اللہ تعالی اور آخرت پر ایمان رکھنے والی عورت کے لئے حلال نہیں کہ وہ شوہر کو موت کے علاوہ کسی میت پر تین دن سے زیادہ سوگ کرے، صرف شوہر کی موت کے لئے چار مہینے دس دن سوگ ہے" 

*((📚👈حوالہ صحیح مسلم شریف، مطبوعه : قدیمی کتب خانہ ، کراچی ، باب : وجوب الا حداد فی عدة الوفاة ، جلد اول صفحہ نمبر 486))* 
*((📘👈بحوالہ مومن کی وفات صفحہ نمبر 355))*

کسی قریبی رشتہ دار کے مرجانے پر عورت کو صرف تین دن تک سوگ کرنے کی اجازت ہے ، اس سے زائد کی نہیں۔ اور اگر عورت شوہر والی ہو ، تو شوہر اس سے یعنی تین دن کے سوگ سے بھی منع کر سکتا ہے
طلاق دینے والا سوگ کرنے سے منع کرتا ہے یا شوہر نے مرنے سے پہلے کہہ دیا تھا کہ میں مر جاؤں تو میرا سوگ مت کرنا ، جب بھی سوگ کرنا واجب ہے۔ 

*((📔👈حوالہ ردالمحتار ، بہار شریعت جلد دوم حصہ 8 صفحہ نمبر 131))*
*((📓👈بحوالہ مومن کی وفات صفحہ نمبر 356))*

*لہذا*👈 معلوم ہوا کہ کہ تین دن سے زیادہ سوگ( رنج و غم جائز نہیں) اور سوال میں ہے کہ لوگ دس دن آکر سوگ مناتے ہیں جو کہ ناجائز کرتی ہے تو ان سب کو تاکید کے ساتھ منع کیا جائے اور ان کے یہاں آکر آلتو فالتو بات نہ کرے کہ یہ بھی جائز نہیں۔

*🍁واللہ تعالیٰ اعلم بالصواب🍁* 
*☘️المفتقر الی رحمۃ اللہ التواب☘️*
*_◆ــــــــــــــــــــــ🌸🌻🌸ـــــــــــــــــــــــــ◆_*
*🖊کـتبـــــــــــــــــہ👇*
*حضرت مولانا محمد اشفاق عطاری صاحب قبلہ مدظلہ العالی والنورانی نیپال* 
*24 شعبان المعظم 1441 ہجری  19 اپریل 2020 عیسوی بروز اتوار*

*💞ماشاءاللہ بہت عمدہ جواب💞*
*✔️الجواب صحیح*
*محمـــد آفـتـاب عالم رحمتی مصباحی دہلوی خطیب وامام جامع مسجد مہاسمند(چھتیس گڑھ)*
*_◆ــــــــــــــــــــــ🌸🌻🌸ـــــــــــــــــــــــــ◆_*
*🗓️مؤرخہ: (۲۴) شعبان المعظم ١٤٤١؁ھ*
*(💙محفل غلامان مصطفیﷺگــروپــــ💙)*
*🌹رابطہ نمبر 👇*
*📲+91 7860124553*
*_◆ـــــــــــــــــــــــ🌸🌻🌸ـــــــــــــــــــــــ◆_*
*🖥️المشتـــــہر👇*
*مـحـمّـد رضـــا بـرکاتــی(نیپـــال🇳🇵)*
*مــدرسـہ الجــامـعتہ الـرضــویـہ مــناظــر الـعــلــوم  کانــپور اتــرپـردیــش (یوپی)*
*_◆ــــــــــــــــــــــ🌸🌻🌸ـــــــــــــــــــــــــ◆_*