☆ *_اَلسَّــلَامْ عَلَیْڪُمْ وَرَحْمَةُ اللہِ وَبَرَڪَاتُہْ_*☆
_📜🌺 الســـــــــوال🌺_
*آپ علمائے اہلسنت کی بارگاہ میں ایک مسئلہ عرض ہیکہ*
*ایک ہی محلے میں دو لوگوں کا انتقال ہوگیا جس میں ایک مرد ہے اور ایک عورت ہے تو کیا دونوں کی نمازے جنازہ ایک ہی ساتھ پڑھ سکتے ہیں ؟ اگر پڑھ سکتے ہیں تو کس طرح ؟*
*اور ایک جگہ دو جنازہ ہے جس میں ایک بالغ مرد ہے اور ایک نابالغ لڑکا ہے تو ان دونوں کی نمازے جنازہ کس طرح پڑھی جائے گی ایک ساتھ یا علیحدہ علیحدہ*
*آپ علمائے کرام تھوڑی تفصیل کے ساتھ رہنمائی فرما دیں عین نوازش ہوگی*
*🌾سائل:👈شفاءالدین احمد قادری رضوی*
*مقام--- پالاجوری دیوگھر جھارکھنڈ🌾*
*_◆ـــــــــــــــــــــ(🖋📘🖋)ــــــــــــــــــــــ◆_* *☆وَعَلَیْڪُمْ اَلسَّــلَامْ وَرَحْمَةُ اللہِ وَبَرَڪَاتُہْ☆*
_*📚 الجـواب بعـون المــلـک الوھـاب👇*_
*سب جنازوں کی نماز ایک ساتھ پڑھیں یا الگ الگ دونوں صورتیں جائز ہیں مگر الگ الگ پڑھنا بہتر واولی ہے، اور ان میں افضل کو مقدم کرنا افضل ہے یعنی اگر ہر نوع کا جنازہ ہے تو پہلے مردوں کی صف ہو پھر بچوں کی پھر خنثی کی پھر عورتوں کی پھر مراہقوں کی اور اگر سب مرد ہی ہوں تو امام اعظم ابو حنیفہ علیہ الرحمۃ والرضوان سے ایک روایت یہ ہے کہ ان میں کا افضل وہ ہے جو عمر میں ان سے زیادہ ہو اور اگر آزاد وغلام ہوں تو آزاد کو مقدم کرنا چاہیے،*
📘فتاوی عالمگیری میں ہے :👇
*(ولو اجتمعت الجنائز یخیر الامام ان شاء صلی علی کل واحد علی حدۃ وان شاء صل علی الکل دفعۃ بالنیۃ علی الجمیع،،، وترتیبھم بالنسبۃ الی الامام کترتیبھم فی صلوتھم خلفہ حالۃ الحیاۃ فیقرب منہ الافضل فالافضل فیصف الرجال الی جھۃ الامام ثم الصبیان ثم الخناثی ثم النساء ثم المراھقات ولو کان الکل رجالا روی الحسن عن ابی حنیفۃ رحمۃ اللہ تعالی علیہ یوضع افضلھم واسنھم مما یلی الامام ولواجتمع حر وعبد فالمشھور تقدیم الحر علی کل حال کذا فی الفتح القدیر)*
(📘جلد اول، کتاب الصلاۃ، الباب الحادی والعشرون فی الجنائز، الفصل الخامس فی الصلاۃ علی المیت ، صفحہ ۱٦٥)
تنویر الابصار مع درمختار میں ہے :👇
*(وإذا اجتمعت الجنائز فإفراد الصلاۃ علی کل واحدۃ أولی من وتقدیم الأفضل أفضل و إن جمع جاز)*
*(📕👉 جلد ۳ ، کتاب الصلاۃ، باب صلاۃ الجنازۃ، صفحہ ۱۱۸)*
بہار شریعت میں ہے :👇
*کئی جنازے جمع ہوں تو ایک ساتھ سب کی نماز پڑھ سکتا ہے یعنی ایک ہی نماز میں سب کی نیت کرلے اور افضل یہ ہے کہ سب کی علحیدہ علحیدہ پڑھے اور اس صورت میں یعنی جب علحیدہ علحیدہ پڑھے تو ان میں جو افضل ہے اس کی پہلے پڑھے*
*اور اس کی جو اس کے بعد سب میں افضل ہے وعلیٰ ہذا القیاس*
*🖍مسئلہ:👈 چند جنازے کی نماز ایک ساتھ پڑھائی تو اختیار ہے کہ سب کو آگے پیچھے رکھیں یعنی سب کا سینہ امام کے مقابل ہو*
*یا برابر رکھیں یعنی ایک ہی پائنتی یا سرہانے دوسرے کو اور اس دوسرے کی پائنتی یا سرہانے تیسرے کو وعلیٰ ہذا القیاس*
*اگر آگے پیچھے رکھےتوامان کے قریب اس کا جنازہ ہو جو سب میں افضل ہو پھر اس کے بعد جو افضل ہو وعلیٰ ہذا القیاس*
*اور اگر فضیلت میں برابر ہوں تو جس کی عمر زیادہ ہو اسے امام کے قریب رکھیں یہ اس وقت ہے کہ سب ایک جنس کے ہوں*
*اور اگر مختلف جنس کے ہوں تو امام کے قریب مرد ہو اس کے بعد لڑکا پھر خنثیٰ پھر عورت پھر مراہقہ یعنی نماز میں جس طرح مقتدیوں کی صف میں ترتیب ہے اس کا عکس یہاں ہے اور اگر آزاد وغلام کے جنازے ہوں تو آزاد کو امام کے قریب رکھیں گے اگر چہ نابالغ ہو اس کے بعد غلام کو*
(📚👉 بہار شریعت، جلد اول ، حصہ چہارم ، نماز جنازہ کا بیان، صفحہ 839)
_*واللہ تعالیٰ اعلم بالصواب*_
*♦ـــــــــــــــ(((((((⛲)))))))ـــــــــــــ♦*
*✒کتبــــــــــــــــــــــہ*👇
_*گداۓ حضور انفاس ملت*_
_*فداءالمصطفی رضوی صمدی انفاسی صاحب قبلـــــــــــہ(مد ظلہ العالی والنورانی)*_
*تخصص فی الفقہ ،،،،،، جامعہ صمدیہ دارالخیر پھپھوند شریف ضلع اوریا یوپی الہنـــــد*
*ماقال المجیب فھو حق واحق ان یتبع*
*✅الجواب' ھوالجواب واللہ ھوالمجیب المصیب المثاب*
*فقط محمد آفتاب عالم رحمتی مصباحی دہلوی خطیب و امام جامع مسجد مہا سمند (چھتیس گڑھ)*
〰〰〰〰〰〰〰〰〰〰〰
*🖥المـــــرتـــــب
*🌹رضـــــی احـــــمـــــد قـــــادری سیـــــتـــــا مـــــڑھــــی
*•─────────────────────•*
ہمیں فالو کریں